A Facultade de Ciencias Económicas e Empresariais acolle esta semana o curso “As novas finanzas no mundo dixital”

Os retos dos profesionais financeiros trala dixitalización global trataranse nesta cita

A Facultade de Ciencias Económicas e Empresariais da Universidade de Santiago, xunto á delegación en Galicia do Instituto Español de Analistas  Financeiros (IEAF), Fundación Abanca, e o Grupo de Investigación  VALFINAP do Departamento de Economía Financeira e Contabilidade da USC, organiza o curso de verán “As novas finanzas no mundo dixital”.

A cita é no Salón de Grados do centro o mércores 4 e o xoves 5 de xullo.

O curso pretende dar a coñecer e afondar nos retos aos que se está enfrontando o mundo financeiro trala dixitalización global: a transformación á que se está enfrontando a banca tradicional, a normativa na que se amparan todos estes cambios, as novas oportunidades de negocio que xurdiron, etc.

Amosaranse todas as medidas que as entidades financeiras están a levar a cabo para situarse axeitadamente e satisfacer a un novo cliente dixital, cada vez máis esixente, con capacidade de tomar decisións cualificadas e que valora a inmediatez e as cousas ben feitas.

A profesora Loreto Fernández é a directora deste curso “As novas finanzas no mundo dixital”.

A USC recoñece academicamente este curso con 1 crédito  ECTS para todas as titulacións de Grao e o IEAF, con 12 horas de re certificación, 6 por cada unha das súas dúas xornadas.

Máis información na páxina web  http://ecoade-santiago.blogspot.com/p/cursos-de-verano.html

 

Programa de “As novas finanzas no mundo dixital”

Mércores, 4 de xullo:

9:00 h  Inauguración do curso

9:30 h  Fintech na Economía Colaborativa.

Javier Méndez Llera, Secretario Xeral e Director Xeral de IEAF-FEF.

10:30 Impacto Fintech no negocio da Banca.

José Luís Cayuela Zayas, Conselleiro Delegado de Kaydel Partners.

12:00 h Perspectivas xerais da tecnoloxía financeira nos mercados.

Miguel Jaureguizar, Director do Desenvolvemento Dixital de Renta4 Banco.

13:00 h A Banca no século XXI. Novos retos e respostas aos cambios tecnolóxicos.

José Luís Cayuela, Conselleiro Delegado de Kydel Partners.

16:00 h Ciberseguridade na operativa financeira e a fraude.

Rubén Frieiro Barros, Socio de DELOITTE.

 

Xoves, 5 de xullo:

9:30 h Novas claves estratéxicas no sector financeiro.

Manuel Ferro Novoa, Xerente de Planificación e Estudos de Abanca.

10:15 h Os retos do proceso de innovación tecnolóxica nunha entidade financeira.

Eduardo Aldao Castillo, Director de Innovación  de Abanca ..

11:15 h Os novos requisitos na arquitectura tecnolóxica.

Rebeca Carolina Cores Carreira, Directora de Arquitectura TI de Abanca.

12:30 h A Banca móbil como principal canle de vinculación.

Francisco Javier Díaz López, Xerente de Banca Dixital de Abanca.

13:15 h Requirimentos xurídicos no marco da dixitalización.

Paula Iun Pampín, Asesora Xurídica de Abanca.

16:00 h Mesa redonda: “O poder disruptivo das start-ups no sector Fintech”.

Luís Taboada, CEO e fundador de Qbitia

David Conde, CEO e fundador de Sensei Trade e Coinscrap

Xoan González Díaz, Microservices Architect UST Global

19:00 h Clausura do curso

Programa do curso de verán

Deixa unha resposta